Nënstacioni i Babicës, Rama: Reformat, e vetmja rrugë për transformimin e Shqipërisë

Ambicia e Shqipërisë për rajonalizimin e prodhimit dhe administrimit të energjisë do të bëhët shumë shpejt realitet me rrugën e energjisë me Kosovën dhe Maqedoninë, është shprehur kryeministri Edi Rama, gjatë inaugurimit të nënstacionit të Babicës.
“Do të bëjmë të mundur finalizimin e një ëndrre për të lidhur përfundimisht rrugën e energjisë mes Shqipërisë dhe Kosovës. Interkonjeksioni i famshëm i shumëpropaganduar si objektiv i partive, qeverisë, shoqërive tona po bëhet realitet. Po bëhet realitet ashtu si lidhja e rrugës energjitike mes Shqipërisë dhe Maqedonisë, çka do të thotë integrim i plotë i Shqipërisë në rrjetin europian të energjisë. Bëhet e mundur që reforma që vazhdon për të liberalizuar tregun e energjisë dhe ambicia jonë për rajonalizimin e prodhimit dhe administrimit të energjisë të kthehen në mirëqënie për shqiptarët”, tha kryeministri Rama.
Ai tha se invsetimet si këto të Babicës bëhen pikërisht falë reformës në energji “dhe vendosjes së rendit ligjor” tha Rama. Ai vijoi duke thënë se fasha e supozuar për të mbrojtur të varfërit, në fakt ishte burim abuzimi për shumë biznese. “Kjo vepër tregon se reformat janë e vetmja rrugë që kemi për të transformuar Shqipërinë”, u shpreh kryeministri Rama.
“2 vite më parë humbjet ishin 52% në gjithë sistemin e shpërndarjes së energjisë, ku një pjesë e konsiderueshme ishin vjedhje të energjisë. Trashëguam një kompani me 1 miliardë dollarë borxhe të akumuluara nga 2007 deri në 2013”, tha Rama.