Nga 38 në 27 gradë në pak minuta, stuhia e rërës godet brigjet franceze! Shkakton panik te pushuesit (VIDEO)

Një fenomen moti që u zhvillua me shpejtësi të madhe befasoi pushuesit në brigjet jugperëndimore të Francës, të cilët kërkonin “pak freski” nga temperaturat e larta që kanë përfshirë vendin. Brenda pak minutash, një re gjigante “përpiu” plazhin.

Një video e regjistruar në vijën bregdetare të qytetit Andai tregon plazhistët që ikin nga “galerne”, një fenomen i dhunshëm moti i karakterizuar nga një rënie e shpejtë e temperaturës dhe erëra të forta.

Qindra turistë në bregdetin bask u panë duke kapur dërrasat e surfit dhe peshqirët e tyre, duke kërkuar strehim.

“Ishte si një tornado, papritmas, era u bë më e fortë dhe qielli u errësua. Kishim diell dhe pastaj, papritmas, u bë me re dhe mjegull “, tha një grua.

Nga ana e tij, një tjetër dëshmitar okular tha: “Ishte diçka imponuese, por në të njëjtën kohë shumë shqetësuese. Jemi mësuar të shohim “enbata” (emri vendas për fenomenin galerne) në plazh, por shkalla e asaj që përjetuam është ndryshe nga çdo gjë që kemi parë deri më sot.”

Pushuesit, të cilët deri në atë moment po përpiqeshin të freskoheshin nga nxehtësia 38 gradë Celsius, u përballën papritur me çadra “fluturuese”, stuhi rëre dhe një rënie të papritur të temperaturës me 11 gradë në vetëm gjashtë minuta.

I njëjti skenar u përsërit në Biarritz-in e njohur. Zona sapo kishte thyer rekordin e të gjitha kohërave për nxehtësinë, duke arritur në 42.9 gradë Celsius në fund të pasdites, kur një erë e fuqishme perëndimore e uli papritur temperaturën në 23 gradë brenda pak minutash.

Vlen të përmendet se fenomeni “galerne” ndodh në bregdetin bask kur masat e ftohta të ajrit nga Gjiri i Biskajës takohen me rryma më të ngrohta nga toka. Ky “përplasje” prodhon erëra të forta që mund të arrijnë deri në 95 kilometra në orë.

🔴 INFO – #Météo : Hier, une spectaculaire #galerne (Vent froid) a balayé la grande plage d’#Hendaye en quelques instants, provoquant une chute de température de plus de 15 °C. 🇫🇷🌬️🌡️ pic.twitter.com/2KTm62zX2C

Comment vider la plage d’Hendaye en 2 minutes… 🌬️😅Énorme enbata ce soir sur la grande plage d’Hendaye ! En quelques instants, cette véritable galerne a fait chuter la température de plus de 15 °C.#hendaye #paysbasque #canicule #galerne pic.twitter.com/AuLIqXmg5J