Ngushëllimet për ndarjen nga jeta të babait të Metës, merr pjesë dhe Berisha

Ish-presidenti i vendit Ilir Meta është liruar sërish nga qelia sot në 3 qershor.

Ai pret ngushëllime sot për babanë e ndjerë pranë një hoteli në kryeqytet, raporton gazetarja e Klan News Glidona Daci.

Meta ka marrë leje për disa orë për pritjen e ngushëllimeve ndaj të atit.

Ish-kreu i shtetit është pritur nga mbështetës, figura politike dhe bashkëpunëtorë të tij ndër vite. Meta shoqërohet nga efektivët e sigurisë së burgjeve. Ndër figurat që ka takuar sot Metën ishte deputeti Klevis Balliu, si dhe Elda Hoti. Po ashtu, në ambientet e hotelit ka qenë edhe ish-ministri Edmond Panariti.

Në ngushëllimet për babanë e ndjerë të Metës ishte i pranishëm edhe ish-kryeministri dhe kryetari i PD-së, Sali Berisha.

Ish-presidenti Ilir Meta, politikan karriere që ka mbajtur poste të larta drejtuese gjatë jetës së tij ndodhet në burg që prej vitit 2024. Ai akuzohet për korrupsion, fshehje pasurie dhe pastrim parash.  

/tvklan.al