PARIS – Macron: Franca do të thërrasë një samit të G7-s për energjinë

PARIS, 18 shtator /ATSH-AFP/ – Presidenti francez, Emmanuel Macron njoftoi sot se Franca do të thërrasë një samit të G7-s kushtuar “çështjeve të energjisë”, që do të mbahet “në javët e ardhshme”, me qëllim që “të bëhet përparim në koordinimin më të mirë në lidhje me nivelet e rezervave”.

“Ky takim duhet të ndihmojë në shmangien e tensioneve të panevojshme midis vendeve të G7 dhe partnerëve tanë kryesorë dhe gjithashtu të rishqyrtojë opsionet për lirimin e mundshëm të rezervave strategjike”, deklaroi ai pas një takimi në Pallatin Elysee me udhëheqësit e partive dhe kandidatët presidencialë.

Ai pohoi se po punon për të siguruar furnizime me naftë dhe gaz, duke treguar se Franca është “në nivelin e pritur të magazinimit dhe do të sigurojë që rezervuarët e saj të jenë plot këtë dimër”.

Ai tha gjithashtu se do të “kontaktojë” Komisioni Evropian në lidhje me çështjen e magazinimit të gazit në nivel evropian, por edhe “për të qenë në gjendje të përshpejtojë të gjitha fleksibilitetet e mundshme për të ulur çmimet dhe strukturën e çmimeve të energjisë”./