​Pas vendimit të Apelit, nis rigjykimi i Endrit Nikës

Ka filluar rigjykimi në Gjykatën Themelore në Prishtine ndaj të akuzuarit Endrit Nika i cili ngarkohet per vrasjen e të dashurës së tij argjentinase.

Ky rast pati ndodhur në vitin 2023, në Fushë Kosovë.

Në lidhje me të, Nika ishte dënuar nga Gjykata Themelore e Prishtinës me 18 vjet burgim për “vrasje të rëndë”.

Paraprakisht, ky ishte deklaruar i pafajshëm, raporton Kp.

Rasti është kthyer në rigjykim pasi kështu vendosi Gjykata e Apelit, e cila e kishte pranuar kërkesën e mbrojtjes për ta kthyer rastin në rigjykim.

Prokuror i këtij rasti është Armend Hamiti.

Në seancën që nisi sot ishin të pranishëm, me videolidhje, edhe familjarët e viktimës.

I akuzuari Nika është duke u përfaqësuar nga mbrojtësi Tomë Gashi.