Pasi i vidhte motomjetet, i çmontonte dhe i shiste! Vihet në pranga autori i 6 rasteve në Tiranë

Është vënë në pranga nga policia këtë të premte një 33-vjeçar, pasi dyshohet se është autor i 6 rasteve të vjedhjes së disa motomjeteve në Tiranë. Sipas

Është vënë në pranga nga policia këtë të premte një 33-vjeçar, pasi dyshohet se është autor i 6 rasteve të vjedhjes së disa motomjeteve në Tiranë.

Sipas raportimeve të policisë, në pranga ka rënë Ermond Gjina 33 vjeç, i cili çmontonte pjesët e motomjeteve të vjedhura dhe i shiste.

Ndërkohë, është proceduar penalisht një 39-vjeçar, pasi dyshohet se ka përvetësuar nga i arrestuari motomjet dhe pjesë motomjetesh të vjedhura.

“Shërbimet e Komisariatit të Policisë Nr. 4, si rezultat i hetimeve të kryera pas kallëzimeve për vjedhjen e disa motomjeteve, kanë finalizuar operacionin policor “Remove”, si rezultat i të cilit u identifikua, u kap dhe u vu në pranga shtetasi:

-E. Gj., 33 vjeç, banues në Tiranë.

Nga hetimet dyshohet se ky shtetas vidhte motomjete me qëllim çmontimin në pjesë dhe shitjen e tyre, kryesisht në subjekte që shesin pjesë mjetesh. Ai dyshohet se ka vjedhur 6 motomjete, gjatë muajve mars dhe prill 2026.

Në vijim të veprimeve procedurale, u referuan materialet në Prokurori ku nisi procedimi penal për shtetasin Y. D., 39 vjeç, pasi dyshohet se ka përvetësuar 1 motomjet dhe pjesë motomjetesh, të vjedhura nga i arrestuari.

Vijon puna për zbardhjen dhe dokumentimin e vjedhjeve të tjera që mund të jenë kryer nga 33-vjeçari”, thuhet në njoftimin e policisë.

Materialet procedurale iu referuan Prokurorisë, për veprime të mëtejshme.