PEKIN – Kina i bën thirrje Gjermanisë për tregti të lirë dhe qasje të barabartë në treg

PEKIN, 2 korrik /ATSH-DPA/- Kina ka kërkuar nga Gjermania të mbështesë tregtinë e lirë dhe një klimë të drejtë biznesi, në një kohë tensionesh në rritje tregtare, sipas Ministrisë kineze të Tregtisë.

Thirrja vjen pas bisedimeve të nivelit të lartë mes ministres gjermane të Ekonomisë, Katherina Reiche, dhe ministrit kinez të Tregtisë, Wang Wentao.

Pekini u bëri thirrje Gjermanisë dhe BE-së, të forcojnë bashkëpunimin ekonomik, të zgjerojnë aksesin në treg dhe të ruajnë një mjedis të hapur dhe jo-diskriminues për bizneset, në sfondin e rritjes së proteksionizmit.

Në takimet e zhvilluara në Bruksel dhe Pekin, u diskutuan gjithashtu kufizimet kineze të eksportit të metaleve të rralla dhe ndikimi i tyre në zinxhirët e furnizimit në BE.

Palët ranë dakord, të rinisin dialogun ekonomik dhe të vazhdojnë konsultimet tregtare për të ulur tensionet.

Brukseli po shqyrton masa të reja tarifore ndaj importeve nga Kina, ndërsa BE-ja përballet me një deficit të madh tregtar dhe shqetësime për konkurrencën industriale. /