Përfshihet nga zjarri një spital në Gjermani, dy të vdekur dhe 34 të plagosur (VIDEO)

Të paktën dy persona u vranë dhe 34 të tjerë u plagosën në një zjarr që shpërtheu herët të enjten në çatinë e një spitali në Ludwigslust, në Gjermaninë veriore, raportoi Bild. Sipas policisë, viktimat janë pacientë, ndërsa 82 persona po trajtoheshin në ndërtesë në kohën e zjarrit.

Sipas raportimeve fillestare, zjarri shpërtheu në dhomën e një pacienti. Nuk është e qartë nëse të ndjerit ishin në atë dhomë. Autoritetet i larguan me nxitim pacientët dhe stafin nga ndërtesa.

Çatia filloi të digjej në orën 04:28 sipas orës lokale, sipas policisë. Nuk është e qartë se sa njerëz u nxorën me nxitim nga qendra shëndetësore.

Sipas faqes së internetit të spitalit, ai ka gjithsej 160 shtretër dhe është i vetmi në qytet.

Flaka dhe tym ende po ngrihen nga ndërtesa pesëkatëshe në mëngjes. Jashtë, pacientët, disa të mbështjellë me batanije, ishin ulur në barin përpara spitalit. Disa prisnin në karroca me rrota.

Der Dachstuhl eines Krankenhauses in Mecklenburg-Vorpommern hat am frühen Morgen Feuer gefangen. Mehr als 30 Menschen wurden bei dem Brand verletzt, zwei Personen kamen ums Leben. https://t.co/hU5vTD3YGi