Përfundon telenovela, Vinicius do të rinovojë kontratën me Realin

Pasi guxoi të ëndërronte, Arsenali tani duhet të pranojë realitetin: Vinicius dhe Real Madridi kanë arritur një marrëveshje për zgjatjen e kontratës së brazilianit me “Los Blancos”.

Dy faktorë ishin vendimtarë për këtë marrëveshje: klubi bëri një lëshim shtesë lidhur me pagën vjetore të lojtarit, ndërsa José Mourinho luajti një rol tejet aktiv, duke nxitur si klubin ashtu edhe lojtarin për të siguruar finalizimin e marrëveshjes.

Trajneri e konsideron Viniciusin si element thelbësor të projektit të tij për skuadrën dhe, gjatë orëve të fundit, ka pasur kontakte të shpeshta telefonike mes të dyve.

Lajmi për rinovimin u raportua fillimisht nga gazeta spanjolle “Marca”, e cila është gjithmonë e mirë-informuar mbi zhvillimet te Real Madridi.