Përplasje verbale në mbledhjen e Këshillit Kombëtar, Kuçana çohet dhe kundërshton propozimet e Berishës në sallë! Kreu i PD: Ilirjana qetësohu

Këtë të mërkurë në mbledhjen Këshillit Kombëtar të PD-së pas përfundimit të propozimeve për ekipin drejtues nga Kreu i PD-së Sali Berisha ka pasur një përplasje verbale mes anëtares së Këshillit Kombëtar Ilirjana Kuçana dhe Berishës.

Kuçana ka kërkuar që të mbaj një fjalë për propozimin e një rezolute kundërshtues për listën e propozimeve nga kreu i PD-së. Berisha nga ana e tij ka sqaruar se nuk mohohet fjala e askujt por sipas statutit ka një rend dite të përcaktuar në mbledhjen paraardhëse.

Mes tyre ka pasur një dialog në prani të gjithë anëtarëve dhe një debat verbal. Kuçana ka insistuar në fjalën e saj se ajo duhet të parashtrojë kundërshtimet. Berisha i ka thënë se i ka kthyer përgjigje me anë të një sms lidhur me kët çështje duke insistuar se duhet të ndjek statutit.

Berisha i ka bërë thirrje disa herë anëtares të qetësohet.