Piqué injoron “shigjetën” e Shakirës për Botërorin 2026, shfaqet i qetë me Clara Chía

Gerard Piqué duket se ka injoruar aludimet dhe teoritë e rrjeteve sociale për një “thumbim” të mundshëm nga Shakira në lidhje me Botërorin 2026, duke zgjedhur të shfaqet publikisht në një koncert të Bad Bunny në Barcelonë, i shoqëruar nga Clara Chía.

Ish-mbrojtësi i Barcelonës u pa i relaksuar në stadiumin “Lluís Companys”, në zonën VIP “La Casita”, ku mori pjesë në koncertin e dytë europian të Bad Bunny. Ai u shfaq i buzëqeshur, i veshur thjeshtë dhe larg çdo tensioni mediatik që ende e lidh me ish-partneren e tij.

Në të njëjtën kohë, publikimi i këngës “Dai Dai” nga Shakira për Botërorin 2026 ka rikthyer debatet online. Në videoklip është vënë re një skenë që tregon golin e Cristiano Ronaldos ndaj Spanjës më 2018, pas një faulli të Piqué, gjë që ka nxitur spekulime për “mesazhe të koduara” nga ylli i pop-it.

Shakira me këtë projekt bëhet e lidhur me katër Botërorë (2006, 2010, 2014, 2026), ndërsa Piqué duket i fokusuar në jetën private dhe larg polemikave.