Plaçkitën dy biznese në Korçë, kamerat tradhtojnë “skifterët”! Arrestohet 18-vjeçari, shpallet në kërkim shoku i t

Dy plaçkitje biznesesh janë zbardhur pas një hetimi njëjavor fal pamjeve të kamerave të sigurisë, kurse në pranga ra një adoleshent dhe në kërkim u shpall shoku i tij.

Policia e Korçës ka finalizuar sot (9 shtator) një operacion për kapjen e një 18-vjeçari me iniciale A.H., i cili, së bashku me një bashkëmoshatar të identifikuar si E.Ll., kanë vjedhur një market në lagjen 16 të Korçës, ngjarje e ndodhur një muaj më parë.

Dy të rinjtë dyshohet se kanë vjedhur edhe një bar-kafe në lagjen 9 të qytetit të Korçës disa javë më parë.

Pas ekspertimit të pamjeve filmike të kamerave të sigurisë dhe veprimeve të tjera hetimore, është bërë i mundur dokumentimi i dy vjedhjeve në Korçë.

Të rinjtë kanë vjedhur tek dy bizneset sasi lekësh dhe mallrash, ndërsa vijojnë hetimet për të zbuluar edhe raste të tjera bastisjesh në biznese dhe banesa.