‘Po bllokon shtetin’ Albin Kurti akuzon opozitën dhe paralajmëron rritje të LVV-së: Do arrijmë në 60% më 7 qershor

Kryeministri në detyrë i Kosovës dhe kryetari i Lëvizjes Vetëvendosje, Albin Kurti, akuzoi opozitën për bllokim institucional dhe deklaroi se LVV synon të dalë edhe më e fuqishme në zgjedhjet e 7 qershorit. Në fjalimin e publikuar në Facebook nga mbledhja e 63-të e Këshillit të Përgjithshëm të LVV-së, Kurti tha se partia e tij mund të arrijë deri në 60% të mbështetjes ndërsa tha se opozita ka zgjedhur të pengojë funksionimin e shtetit.

“Nëse rritemi po aq prej dhjetorit e deri në qershor, atëherë vërtet do të mund ta prekim edhe 60%. Përballë nesh kemi një opozitë që e ka kuptuar se nuk mund ta mundë popullin, prandaj ka zgjedhur të bllokojë shtetin”, u shpreh ai.

Gjatë fjalimit, Kurti foli edhe për ekonominë, duke deklaruar se PBB-ja është rritur nga 7 miliardë në afro 12 miliardë euro gjatë mandatit të qeverisë së tij. Ai njoftoi gjithashtu se paga minimale do të bëhet 500 euro nga 1 korriku dhe do të jetë e patatueshme. Kurti foli edhe për situatën në veri të Kosovës, duke deklaruar se rendi dhe ligji janë konsoliduar, ndërsa akuzoi Serbinë për mbështetje të grupeve kriminale dhe për strehim të Milan Radoiçiqit.