Prej platini dhe meteori, ja pse të gjithë po flasin për orën luksoze të Vinicius

Vinicius Jr ka tërhequr vëmendje pas eliminimit të Real Madridi nga Champions League, jo për lojën, por për një orë luksoze të shfaqur në konferencë. Ai mbante një “Rolex Day-Date 40” shumë të rrallë, me vlerë që mund t’i kalojë 140 mijë eurot, në varësi të personalizimeve.

Ora dallohet për kasën prej platini dhe numrat e saj të veçantë me meteor natyral në dial, një nga materialet më të rralla në orologjinë e luksit. Indekset janë të zbukuruara me diamante, duke e bërë modelin e orës edhe më ekskluziv.

Pamja e orës u bë “virale” në rrjetet sociale, duke e vendosur Vinicius sërish në qendër të vëmendjes si ikonë stili. Kjo ndodh në një periudhë personale delikate, pas ndarjes së konfirmuar me influenceren Virginia Fonseca.

Pavarësisht zhurmës mediatike, braziliani duket i fokusuar te futbolli, ndërsa njihet tashmë për koleksionin e tij të orëve luksoze nga Rolex, Jacob & Co. dhe Audemars Piguet, duke u kthyer në një figurë ku sporti dhe moda ndërthuren ngushtë.