Presidenti Begaj dekreton ligjin “Për Dhënie Amnistie”

Presidenti Bajram Begaj, ka dekretuar sot shpalljen e disa ligjeve të miratuara më parë në Kuvend. Kreu i shtetit dekretoi sot ligjin “Për dhënie amnistie”, i cili parashikon rregullime ligjore në fushën e amnistisë.

Gjithashtu, kreu i shtetit dekretoi edhe ligjin nr. 59/2026, “Për sektorin e energjisë elektrike”, një akt që lidhet me funksionimin dhe rregullimin e këtij sektori strategjik në vend.

Në të njëjtën ditë, Presidenti Begaj ka firmosur edhe ligjin nr. 60/2026, “Për informacionin elektronik të transportit të mallrave”, i cili synon rregullimin e shkëmbimit dhe administrimit të të dhënave elektronike në transportin e mallrave.

Dekretet e firmosura nga Presidenti hyjnë në fuqi sipas përcaktimeve ligjore përkatëse.