Protestë sonte në Kullë pas arrestimit të aktivistit që dyshohet se sulmoi standin e SNS-së me sëpatë

Qytetarët e Kullës u mblodhën sonte para stacionit të policisë në shenjë proteste kundër arrestimit të Z.S. (56), i cili dyshohet se së pari shkelmoi dhe më pas theu me sëpatë standin e Partisë Progresiste Serbe (SNS), si dhe goditi një aktivist të SNS-së me bishtin e sëpatës.

Protestën e organizoi grupi qytetar “Mladi Kula”, i cili akuzon institucionet për drejtësi selektive. Sipas përfaqësuesve të tyre, policia dhe prokuroria nuk kanë vepruar mbi më shumë se 100 denoncime për targetimin, fyerjet dhe kërcënimet ndaj aktivistëve që mbështesin studentët.

Dimitrije Simiç nga “Mladi Kula” thotë se fushata kundër aktivistëve nisi një vit më parë, pasi ata kundërshtuan që Millosh Vuçeviç të shpallej “kum i qytetit” (mbrojtës i qytetit). Që atëherë, sipas tij, aktivistët përballen me shkrime fyese nëpër shtëpitë e tyre, dhunë digjitale dhe kërcënime me vdekje.

Qëllimi i protestës sonte, sipas organizatorëve, ishte të dërgonte një mesazh kundër drejtësisë selektive dhe të kërkonte trajtim të barabartë të të gjithë qytetarëve para ligjit.

Burimi: Danas