Protestuesit sulmuan Gjykatën e Apelit, pamje nga dëmet e shkaktuara

Këto që po shikoni në video janë pamjet që Euronews ka siguruar nga brenda Gjykatës së Apelit, ku pak minuta më parë protestuesit hynë brenda saj dhe dëmtuan infrastrukturën.

Sipas pamjeve, në oborrin e jashtëm i gjithë këndi i njoftimeve është thyer, ndërsa brenda gjykatës ka xhama dhe objekte të thyera.

Pjesa që është sulmuar më së shumti është hapësira e pritjes së publikut, ku, pas thyerjes së derës, protestuesit janë futur brenda dhe kanë dëmtuar infrastrukturën e institucionit.

Menjëherë pas këtij akti, policia ka ndërhyrë, ndërsa ka pasur edhe shoqërime.