Rama me fermerët e Luftinjës: Program të veçantë për të lidhur prodhimin bujqësor me tregun

Tepelena ishte qyteti i radhës, ku kryeministri Rama prezantoi programin e PS-së për zgjedhjet e 25 qershorin. Gjatë takimit më fermerët e Luftinjës, Rama deklaroi se PS ka një program të veçantë për rrugët e fshatrave për të lidhur prodhimin bujqësor me tregun.

“Në katër vjeçarin e ardhshëm jo vetëm rruga e Luftinjes por edhe të tjera rrugë në këtë qark që janë të rëndësishme për të nxitur më shumë prodhimin dhe punësimin do të bëhen sepse janë 100 milion dollarë vetëm nga programi ynë me Bankën Botërore që do fillojnë të financohen për këtë punë”.

Rama shtoi se në hartën e turizmin Tepelenën dhe shprehu bindjen se kalaja e Ali Pashës do të sjellë turistët në këtë qytet.

“Nga ana tjetër kemi 71 milionë dollarë po me BB për turizmin dhe Tepelenën e kemi futur në hartën e turizmit se nuk ishte. Duke pasur gjithë atë histori, gjithë atë pasuri në mes të qytetit, kalanë e Ali Pashait, zihet tërë bota se i kujt është Ali Pashai, ne e kemi tonin këtu dhe ça bëmë ne? Ja morëm kalanë dhe ja zumë me ndërtime pa leje. I bëmë Ali Pashait atë që nuk i kishte bërë as Turqia, as historia që donte ta mbulonte. Projekti është ta zbulojmë deri në fund kalanë. Do zhvillojmë ekonominë. Nuk do vinë turistët të shohin Tërmetin sot, por Ali Pashanë. Pas 100 vjetësh do të vinë të shikojnë ore ku banon dhe Tërmeti, por jo sot”, tha Rama.