Rama: Rikthimi i Deas pasuron thesarin e historisë dhe trashëgimisë kulturore

Dea e Butrintit, një prej veprave të njohura të trashëgimisë arkeologjike shqiptare, është rikthyer në vendin ku u zbulua, në qytetin antik të Butrintit.

Kryeministri Edi Rama vlerësoi se kjo pasuron edhe më shumë thesarin e historisë dhe trashëgimisë sonë kulturore.

“Lajm i bukur i rikthimit të Deas së Butrintit në shtëpinë e saj, duke pasuruar edhe më shumë thesarin e historisë dhe trashëgimisë sonë kulturore”, u shpreh Rama.

Rikthimi i Deas pasuron rrëfimin historik të Butrintit dhe u jep mundësi vizitorëve të shohin nga afër një dëshmi të rëndësishme të historisë, artit dhe trashëgimisë së përbashkët europiane.

Vetëm gjatë këtij viti, Butrinti ka pritur mbi 200 mijë vizitorë, duke vijuar të forcojë pozicionin e tij si një prej destinacioneve kryesore të turizmit kulturor në Shqipëri.