Rama veçon Fatos Nanon: Mbetet për mua vlerësim i veçantë! Nuk pretendoj se i nuk i kam hyrë kujt në hak

Kryeministri Edi Rama këtë të premte ka folur nga sheshi “Itali” në 35-vjetorin e PS-së lidhur me ngjarjet e fundit në Shqipëri, lidhur me protestat qytetare.

Rama ka veçuar Fatos Nanon duke e përkujtuar një vlerësim të vecantë për të dhe nga ana tjetër ai ka thënë se kemi bërë dhe gabime në qeverisjen tonë.

Edi Rama: Dua të veçoj Fatos Nanon, si pasardhës i tij. Pavarësisht se në vitet e fundit të jetës, edhe pasi marrëdhënia jonë kaloi në fazat dramatike, mbetet për mua në një vlerësim të veçantë. Sikundër nuk mund të harroj veteranët e luftës, që më vunë krahë të fortë dhe pse më pritën me këmbët e para.

Nuk pretendoj se kam bërë gjithçka mirë, se kam qenë i pagabueshëm, apo se nuk i kam hyrë në hak askujt.

Kam gabuar jo njëherë, dhe edhe pse s’kam dashur t’i hyj në hak askujt, ka shumë të ngjarë që mund ta kem bërë gabim.

Por krenohem se i kam dhënë dhe do t’i jap PS-së gjithçka që kërkohet nga një lider dhe se ia kemi ngritur kokën Shqipërisë dhe çdo shqiptari.