Rama vlerëson ministrinë e Panaritit: Bujqësia ka rritur prodhimin, eksportin dhe punësimin

Kryeministri Edi Rama ishte sot me fermerët në Luftinjë të Memaliajt ku bashkëbisedoi për atë që është bërë për bujqësinë në këto 44 muaj.

“Këto 44 muaj kemi kemi bërë shumë dhe morëm kthesën e fortë të kalimit nga bujqësia e mbijetesës në bujqësinë realisht të mbështetur për të rritur prodhimin, eksportin dhe punësimin në fshat; ulëm taksat për lëndët e para, zeruam TVSH-në për makineritë bujqësore, bëmë rimbursimin e TVSH-së për prodhimet e fermerëve, rritëm me 40% fondet dhe me 60% numrin e fermerëve përfituesve”, tha Rama.

“Në vetëm 44 muaj dyfishuam sipërfaqen e tokës bujësore që ujitet e kullohet, rritëm eksportet bujqësore me 70% dhe vendosëm një raport të ri importe -eksporte të paimagjinueshëm 3 vjet e gjysëm më parë: Nga 7 me 1 më 2013, sot ky raport është vetëm 3.9 me 1. Por të gjitha këto janë larg së qeni mjaftueshëm për bujqësinë që duam”, u shpreh Rama.

“Në pjesën e dytë do të sigurojmë ujë për çdo parcelë, do rrisim me 232 milionë dollarë financimet për Bujqësinë dhe me TVSH zero për plehrat kimike, farat, pesticidet dhe fidanët, fermerët do të përfitojnë 20 milionë dollarë të tjera çdo vit”, theksoi Rama.