Robert De Niro krenar për Tribeca Festival: Është ende këtu

Pas 25 vjetësh, pas një pandemie dhe një ndryshim i emrit, ikona e filmit Robert De Niro është krenar që Festivali Tribeca i Nju Jorkut është “ende këtu”.

Këtë vit, festivali do të shfaqë 103 filma, me 55 regjisorë për herë të parë dhe kineastë pritës nga 44 vende, përfshirë Iranin, Katarin dhe Arabinë Saudite.

Bruce Springsteen do të marrë çmimin Harry Belafonte Voices për eventin e drejtësisë sociale i cili nderon artistët që bashkojnë punën e tyre me aktivizëm.

“Bruce Springsteen,  ajo që ai po thotë me kaq guxim, Zoti e bekoftë, ai po ndihmon shumë njerëz, duhet ta bëjë këtë dhe po e ben ai është zemëruar ashtu siç janë shumë prej nesh”, tha aktori Robert De Niro.

Bashkë-themeluesit vunë në dukje se çmimi i Drejtësisë Sociale pasqyron misionin origjinal të festivalit për të frymëzuar veprim, një objektiv që De Niro e përshkroi si veçanërisht të rëndësishëm.

“Sidomos në këto ditë, është shumë e rëndësishme. Përkon me 250 vjetorin e  vendit. Gjithashtu  25 vjetori i festivalit, ditëlindja e 80-të e presidentit Trump. Shumë përvjetore njëkohsisht dhe prandaj është shumë e rëndësishme”, shtoi De Niro.

Ngjarja dy-javore do të hapet me një dokumentar me grupin muzikor Earth, Wind & Fire, me regji nga fituesi i Oskarit Ahmir “Questlove” Thompson.

Madonna gjithashtu do të prezantojë albumin e saj të ardhshëm “Confession II”.

Që nga viti 2002, organizatorët thonë se festivali ka sjellë mbi 1 miliard dollarë në New York City. Festivali do të nisë nga 3 qershori deri më 14 qershor 2026.

Klan News

/tvklan.al