Rritet interesi i sipërmarrësve britanik për investime në Shqipëri

Sipërmarrës britanik po rrisin interesin e tyre për  investime në vendin tonë.

Kjo u bë e ditur gjatë takimit që zv.kryeministrja Senida Mesi zhvilloi me përfaqësues të Dhomës Britanike të Tregtisë dhe investitorë nga Britania e Madhe, kryesisht nga fusha e energjisë dhe infrastrukturës.

Mesi bën të ditur se ka një interes të shtuar nga ana e investitorëve britanikë për të rritur investimet në vendin tone por dhe në rajonin e Ballkanit në përgjithësi.

“Brenda këtij kuadri, ndava pikëpamjet dhe gatishmërinë për ta shtyrë më përpara rritjen e investimeve britanike në Shqipëri”, deklaroi Mesi.