Rusia i kërkon Iranit të mbetet në Traktatin e Mos-përhapjes Bërthamore

Rusia i ka kërkuar Iranit të mbetet nënshkrues i Traktatit të Mos-përhapjes Bërthamore (TNP) dhe të mos tërhiqet nga marrëveshja globale bërthamore, siç njofton Al Jazeera.

Zëdhënësi i Kremlinit, Dmitry Peskov, deklaroi se Moska nuk dëshiron që Teherani të largohet nga traktati, sipas të cilit Irani është i angazhuar të mos zhvillojë apo fitojë armë bërthamore. Deklarata erdhi në përgjigje të komenteve të zyrtarëve iranianë mbi një tërheqje të mundshme nga marrëveshja.

Rusia dhe Irani mbajnë lidhje të ngushta përmes një traktati bashkëpunimi strategjik, dhe Moska ka qenë ndër mbështetësit diplomatikë të Teheranit gjatë luftës shtatë-mujore me SHBA-në dhe Izraelin.

Çështja bërthamore mbetet në qendër të çdo përpjekjeje për t’i dhënë fund konfliktit. Uashingtoni ka kërkuar që çdo marrëveshje paqeje të përfshijë kufizime të verifikueshme mbi programin bërthamor të Iranit, ndërsa Teherani këmbëngul se nuk synon zhvillimin e armëve bërthamore dhe pretendon të drejtën për kapacitet bërthamor civil.