Rusia kërkoi largimin e diplomatëve nga Kievi, Hoxha: Kërcënimi i ambasadave nuk është diplomaci

Ministri për Evropën dhe Punët e Jashtme, Ferit Hoxha, në një postim në rrjetin X ka reaguar në lidhje me kërkesën e Rusisë për largimin e diplomatëve të huaj nga Kievi.

Hoxha ka theksuar se kërcënimi ndaj ambasadave nuk është diplomaci dhe shprehu qartë vendimin e Shqipërisë për mbështetjen e Ukrainës.

“Shqipëria e konsideron njoftimin e Rusisë ku u bën thirrje personelit diplomatik dhe qytetarëve të huaj të largohen nga Kievi përpara sulmeve të planifikuara si krejtësisht të papranueshëm.

Kërcënimi i ambasadave nuk është diplomaci; është intimidim. Ai përfaqëson një tjetër shkelje të së drejtës ndërkombëtare dhe të Konventës së Vjenës për Marrëdhëniet Diplomatike.

Shqipëria nuk do të tërhiqet. Ne mbetemi në Kiev. Ne qëndrojmë fort me Ukrainën. Dhe nuk do të intimidohemi.

Përgjigja për këtë luftë nuk mund të jetë më shumë luftë, më shumë krime ose sulme pa dallim kundër civilëve dhe infrastrukturës civile.

E vetmja rrugë përpara është t’i jepet fund një lufte që nuk duhej të kishte filluar kurrë dhe angazhim në negociata të vërteta dhe me mirëbesim për paqe.

Kjo iu përcoll shumë qartë ditën e sotme edhe Ambasadorit të Rusisë në Tiranë”, ka shkruar ai.

Albania considers #Russia’s announcement urging diplomatic personnel and foreign citizens to leave #Kyiv ahead of planned strikes to be utterly unacceptable.Threatening embassies is not #diplomacy; it is intimidation. It represents yet another violation of international law and…