Seanca plenare nis me një minutë heshtje në nderim të akademikut Emin Riza

Seanca plenare e kësaj të enjteje ka nisur me një minutë heshtje në nderim të akademikut Emin Riza, i cili u nda nga jeta një ditë më parë.

Emin Riza lindi më 3 korrik 1937 në Shkodër. Me një karrierë të gjatë si studiues, pedagog dhe specialist në Institutin e Monumenteve të Kulturës, akademiku Riza ka dhënë një kontribut të spikatur në dokumentimin, mbrojtjen dhe promovimin e trashëgimisë materiale shqiptare.

Për kontributin e tij të jashtëzakonshëm në ruajtjen dhe promovimin e trashëgimisë kulturore, akademik Emin Riza u nderua me titullin “Qytetar Nderi” i Gjirokastrës dhe i Beratit.