Seanca plenare nis me tensione, Flamur Noka i heq mikrofonin Taulant Ballës, përplasje fizike

Tensione janë regjistruar në seancën plenare të Kuvendit, ku deputeti i Partisë Demokratike, Flamur Noka, i është afruar deputetit sociaslist Taulant Balla, i cili po fliste nga vendi, duke tentuar t’i marrë mikrofonin dhe ta sulmojë.

Në momentin e incidentit kanë ndërhyrë deputetë të tjerë, të cilët kanë shmangur përshkallëzimin e situatës.

Ndërkohë, deputetë të tjerë të Partisë Demokratike janë afruar pranë foltores, të cilën e kanë bllokuar që në momentet e para të nisjes së seancës.

Demokratët kanë argumentuar se në seancën e sotme duhet të diskutohet vetëm për protestën, duke kundërshtuar zhvillimin e punimeve sipas rendit të ditës.

Ende nuk ka komente. Bëhuni i pari që komenton.