Sherri mes Sinajt dhe Nallbatit, Gjykata e Lartë prish vendimin e Apelit të Posaçëm për pushimin e hetimeve

Kolegji penal i përbërë nga Ilir Panda, Genti Shala dhe Albana Boksi këtë të enjte kanë pranuar rekursin e deputetit Vullnet Sinaj. Sinaj kërkoi të

Kolegji penal i përbërë nga Ilir Panda, Genti Shala dhe Albana Boksi këtë të enjte kanë pranuar rekursin e deputetit Vullnet Sinaj.

Sinaj kërkoi të prishet vendimi i Apelit dhe të hetohet për goditje për shkak të detyres deputeti i Partisë Demokratike, Bledjon Nallbati për konfliktin fizik në Kuvendin e Shqipërisë.

Apeli la në fuqi vendimin e GJKKO dhe pushoi hetimet për Nallbatin, kërkesë që ishte depozituar nga SPAK.

Bëhet fjalë për ngjarjen e ndodhur në 30 tetor të vitit 2023, ku deputeti i Partisë Demokratike Bledjon Nallbati u përplas fizikisht me deputetin socialist Sinaj, konflikt që u zhvendos më pas edhe në oborrin e Kuvendit.