“Skënderbeu” iu flet demokratëve, PD nis Kuvendin Kombëtar me Inteligjencë Artificiale, mesazhi

Partia Demokratike po zhvillon këtë të shtunë (30 maj) punimet e Kuvendit Kombëtar, forumin më të lartë zgjedhor të kësaj force politike.

Kuvendi Kombëtar po mbahet në ambientet e Pallatit të Kongreseve, ndërsa kreu i PD-së, Sali Berisha, është i shoqëruar nga bashkëshortja e tij, Liri Berisha dhe nga e bija, Argita Malltezi.

Kuvendi nisi me një video avatari me pamjen e heroit Kombëtar Skënderbeu,e krijuar nëpër Inteligjencës Artificiale i cili tha “Unë jam Skënderbeu. Jo Skënderbeu i Elisës, para se Elisa të inatosej me Skënderbeun e saj, as Skënderbeu i kullës së Edit në mes të Tiranës. Jam Gjergj Kastrioti-Skënderbeu, heroi kombëtar i shqiptarëve, europeisti i parë i këtyre trojeve. Në fakt, jam një avatar i krijuar nga Departamenti AI i Partisë Demokratike. Ndryshe nga avatari i Ramës, Diella, që ka kushtuar milion euro, unë kam kushtuar vetëm 100 euro”

Sakaq, me ngritje dore, anëtarët e Këshillit Kombëtar të PD kanë miratuar Komisionin e Drejtimit të Punimeve.

Anëtarët

Ivi Kaso, kryetar

Floriana Garo

Bardh Spahia

Eliona Shkreli

Nada Meçorpaja

Po ashtu, u miratua edhe Komisioni i Mandateve.

Marash Logu

Adriana Kalaja

Ledio Nuraj

Mbledhja e Kuvendit Kombëtar vjen vetëm një javë pas rikonfirmimit të Sali Berisha në krye të partisë Demokratike.