Spanjë–Rajoy: Kemi arritur një situatë limit në Katalonjë

Kemi arritur një situatë limit në Katalonjë, deklaroi sot kryeministri spanjoll, Mariano Rajoy për të shpjeguar masat e jashtëzakonshme të parashikuara nga Madridi për të pezulluar autonominë e këtij rajoni si përgjigje ndaj referendumit mbi pavarësinë.

“Do të kuptoni së është e vështirë për një vend, për një qeveri të BE-së, të shkelet ligji, të shkelet shteti i së drejtës (…) duke organizuar një referendumvetëvendosje pavarësisht ndalimit të tij nga drejtësia”, theksoi Rajoy në përfundim të një samiti të BE-së në Bruksel.

“Do të kuptoni se kemi arritur një situatë limit”, vazhdoi ai.

“Ne kemi qenë shumë të kujdesshëm, ne jemi përpjekur me të gjitha mënyrat që të mos shkojmë në një situatë të vështirë”, theksoi shefi i qeverisë spanjolle, që refuzoi të tregojë se çfarë masash do të të marrë qeveria e tij të shtunën për të risjellë ligjin dhe nomralitetin institucional në Katalonjë.

Duke pezulluar autonominë e rajonit, sikurse e parashikon një artikull i Kushtetutës ende i papërdour, Madridi shpreson të rimarrë në dorë situatën në këtë rajon ku jetojnë 16 për qind e spanjollëve.