Duke folur për mikrofonat e Gazzetta dello Sport, Igli Tare, DS i Lazios, ka dashur të sqarojë mendimet e tij në lidhje me Ligën e Konferencës të cilësuar vitin e kaluar si “konkurrenca e humbësve”. Fjalët e tij janë të qarta: “Për rritjen e klubit do të ishte e rëndësishme që Lazio të luante çdo vit në kompeticionin maksimal në Europë. Tani që jemi në Konferencë, dua që Lazio ta nderojë deri në fund. Duhet të bëjmë maksimumin për të fituar. Në fakt, një trofe është gjithmonë i rëndësishëm dhe mbetet në vitrinë për përjetësi”.
Një përgjigje dhe për trajnerin e Romës Jose Mourinho, i cili vetëm një ditë më parë I kujtoi drejtori sportiv i Lacios se çfarë kishte thënë për këtë kompeticion javë më parë. “Ata(Lazio) kanë trajnerin, lojtarët, ekipin për të fituar këtë trofe. Ndoshta problemi është se kanë Taren që nuk do sepse nuk i pëlqen ky kompeticion”.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.