Tirana barazon me Eyüpspor AȘ, Xhixha gabon nga pika e penalltisë

Dy miqësore brenda ditës. Pas barazimit 2-2 me Al Ittihad(golat u shënuan nga Ardit Krymi dhe Erdon Daci), Tirana ka barazuar 1-1 me skuadrën e superligës turke, Eyüpspor AȘ. Për bardheblutë realizoi Patrik Myslovic me penallti, ndërkohë që në fundin e takimit Xhixha gaboi nga pika e bardhë.

Njoftimi i klubit:

Mbyllet 1-1 miqësorja ndaj skuadrës së superligës Turke, Eyüpspor AȘ. Krahas golit të shënuar me një penallti nga Patrik Myslovic, fundi i ndeshjes rezervoi dhe një penallti te dytë të humbur nga Xhixha që mund të mbyllte me fitore këtë ndeshje për skuadrën tonë bardh’ e blu.