Tiranë/ Zbulohen tre apartamente ku ushtrohej prostitucion, arrestohen 7 të huaj

Policia e Tiranë ka zbuluar këtë të martë 3 apartamente ku ushtrohej prostitucion. Në kuadër të operacionit të koduar “Network” kanë rënë në pranga 7

Policia e Tiranë ka zbuluar këtë të martë 3 apartamente ku ushtrohej prostitucion. Në kuadër të operacionit të koduar “Network” kanë rënë në pranga 7 shtetas të huaj, ndërkohë 5 të tjerë janë nën hetim.

Sipas raportimeve të policisë, në pranga kanë rënë shtetaset ukrainase S. Z., 33 vjeç dhe O. N., 22 vjeçe, pasi kishin marrë me qira apartamentin, shtetasja ukrainase A. H., 23 vjeçe, e cila u arrestua për veprën penale “Prostitucioni”; si dhe L. M., 57 vjeçe, L. Sh., 39 vjeçe, Sh. R., 47 vjeçe dhe Zh. P., 37 vjeçe, të gjitha shtetase kineze, pasi ushtronin prostitucion në 2 apartamente në zonën “Vasil Shanto” dhe në rrugën “Vangjush Furxhi”.

“Në vijim të kontrolleve dhe punës operative, për evidentimin dhe goditjen e rasteve të qiramarrjes së apartamenteve në zona të ndryshme të kryeqytetit, për të ushtruar prostitucion, specialistët e Seksionit për Hetimin e Trafiqeve finalizuan 2 faza të operacionit “Network”, gjatë të cilave u vunë në pranga shtetasit:

-S. Z., 33 vjeç dhe O. N., 22 vjeçe (shtetase ukrainase), bashkëjetues, pasi dyshohet se kanë shfrytëzuar për prostitucion, në një apartament të marrë me qira ditore, në rrugën “Njazi Demi”, shtetasen ukrainase, A. H., 23 vjeçe, e cila u arrestua për veprën penale “Prostitucioni”;

-L. M., 57 vjeçe, L. Sh., 39 vjeçe, Sh. R., 47 vjeçe dhe Zh. P., 37 vjeçe, të gjitha shtetase kineze, pasi ushtronin prostitucion, në 2 apartamente në zonën “Vasil Shanto” dhe në rrugën “Vangjush Furxhi”.

Më tej, në vijim të veprimeve procedurale për këto raste, ka nisur procedimi në gjendje të lirë për 5 shtetas, ndër to, pronarët e 3 apartamenteve të dhëna me qira dhe 2 shtetas, përfitues nga kjo veprimtari e kundërligjshme)”, thuhet në njoftimin e policisë.

Materialet procedurale iu referuan Prokurorisë së Tiranës, për veprime të mëtejshme.