“Tris”, 100 mln lekë premio dhe 25 vite pritje, akti i fundit i “Final Four” në RTSH është historik

Tre skuadra për një trofe, i cili ka peshën e vet për secilën prej kandidateve. Abissnet Superiore 2025-2026 ul siparin sot në rrjetin e Radio Televioznit Shqiptar me dy takimet e fundit, të cilat do të vijnë për publikun shqiptar nërpërmjet ekranit të RTSH 1 HD dhe RTSh Sport HD.

Në “Elbasan Arena”, në orën 19:00, Egnatia ka shanse të mëdha për të mbrojtur titullin dhe për të festuar kështu për të tretin vit radhazi suksesin në kampionatin më të rëndësishëm të futbollit në vend. Përballë të besuarve të Nevil Dedes do të prezantohet Dinamo City, e cila në këtë fazë nuk mundi që të konkuronte me tri skuadrat e tjera për shkak të handikapit të pikëve, i cili e përshjashtoi shpejt nga gara.

Në “Air Albania”, AF Elbasani dhe Vllaznia do të luajnë ndeshjen e tyre me një sy nga Elbasani. Për të dy skuadrat rezultati i ndeshjes së sotme do të ishte i pavlefshëm nëse Dinamo City nuk frenon Egnatian. Për AF Elbasanin në lojë janë plot 100 milionë lekë premio, të cilat u premtuan për lojtarët nga presidenti Llupa. Ndërsa për ekipin shkodran suksesi në Abissnet Superiore është i vlefshëm sa oksigjeni. Në Shkodër titulli kampion mungon prej 25 vitesh…