Trump: Jam i shqetësuar nga luftimet e Izraelit me Libanin

Presidenti i SHBA-së, Donald Trump, tha se ishte “i shqetësuar” nga qëndrimi i kryeministrit izraelit, Benjamin Netanyahu, për “luftë të vazhdueshme” me Libanin.

Në një intervistë duke komentuar raportet për një telefonatë me Netanyahun të hënën, Trump tha se i tha kryeministrit izraelit se “në një moment… duhet ta ndalojmë këtë”.

«Isha pak i shqetësuar nga grindjet e tij të vazhdueshme me Libanin», tha ai, por shtoi se të dy kanë një «marrëdhënie shumë të mirë».

“Kemi punuar shumë mirë së bashku. Më pëlqen shumë Bibi (Netanyahu). Dhe punoj shumë mirë me të. Unë jam president në kohë lufte, ai është kryeministër në kohë lufte, një pjesë shumë e rëndësishme e botës”, tha ai.

Duke përmendur programin bërthamor të Iranit, Trump tha se nuk do të kishte Izrael nëse nuk do të ishte ai.

«Tani kjo ka të bëjë me Izraelin, sepse ata ndoshta do të kishin qenë të parët që do të goditeshin, nuk do të kishte Izrael… Nëse nuk do të isha unë, nuk do të kishte Izrael tani», tha ai.