Trump lëshon deklaratën për Iranin: Sa herë që na godasin, ne do t’i godasim 20 herë

Presidenti amerikan Donald Trump ka komentuar sulmet e kryera sot ndaj Iranit, gjatë një bisede me gazetarët në bordin e Air Force One.

“Ne thjesht i goditëm shumë fort, dhe them se i goditëm 20 me 1”, deklaroi Trump.

Ai shtoi se Shtetet e Bashkuara do të vijojnë t’i përgjigjen me forcë çdo sulmi ndaj tyre.

“Sa herë që ata na godasin, ne do t’i godasim 20 herë”, u shpreh presidenti amerikan, duke paralajmëruar një qasje të ashpër ndaj çdo veprimi të mëtejshëm kundër SHBA-së.

Deklaratat e Trump vijnë në një moment tensionesh të larta mes Uashingtonit dhe Teheranit, pas zhvillimeve të fundit ushtarake në rajon.