Trump zbulon diagnozën private të një kongresmeni dhe pranon se i duhej vota

Presidenti i SHBA-së, Donald Trump, bëri publikisht diagnozën shëndetësore të një ligjvënësi republikan, duke deklaruar se kongresmeni nga Florida, Neal Dunn, kishte një sëmundje terminale dhe se ai kishte ndërhyrë për t’i siguruar trajtim mjekësor.

Gjatë një eventi në Shtëpinë e Bardhë, Trump tha se Dunn rrezikonte të vdiste brenda muajve, por u trajtua me urgjencë pas ndërhyrjes së mjekëve të Shtëpisë së Bardhë. Ai shtoi se e kishte ndihmuar sepse e pëlqente si person, por edhe sepse “i duhej vota”.

Deklarata shkaktoi reagime, pasi diagnoza e Dunn nuk ishte bërë publike më parë. Deri tani, zyra e kongresmenit nuk ka dhënë koment mbi këtë çështje.