Tuchel: Pushimet e hidratimit prishin ritmin e ndeshjes së futbollit

Trajneri Thomas Tuchel shprehu rezerva ndaj pushimeve të hidratimit që po përdoren gjatë këtij Botërori, duke thënë se ato prishin identitetin dhe rrjedhën e një ndeshjeje. Komentet erdhën përpara ndeshjes së Grupit L të Anglisë me Ganën në Boston, ku parashikoheshin reshje dhe temperatura të ulëta.

Sipas bbc, tifozët e Anglisë nisën të brohorisnin dhe të kundërshtonin këto ndërprerje gjatë pjesës së parë të ndeshjes hapëse kundër Kroacisë në Dallas, edhe pse loja u zhvillua nën çati dhe në një ambient të ajrosur; megjithatë, në Boston pushimet do të vazhdojnë të përdoren pavarësisht motit.

Tuchel tha se kishte përjetuar pushime hidratimi më të shkurtra në ndeshje të nxehta, por e ka vërejtur se tani ato aplkohen në çdo përballje dhe në të dyja ekipet, duke ndarë lojën pothuajse në katër pjesë. Ai vuri në dukje se ndërprerjet e përsëritura e ndryshojnë karakterin e takimit dhe e vështirësojnë ndërtimin dhe ruajtjen e momentumit.

Trajneri shtoi se, si stërvitës, i pëlqen që herë pas here të ketë mundësinë për të influencuar ekipin dhe për të organizuar skuadrën, por gjithsesi preferon futbollin që luhet më vazhdimisht, sepse ritmi i gjatë i ndeshjes pasqyron më mirë kontrastin dhe garën në fushë. Ai theksoi se ndërprerjet i ndryshojnë dinamikën e lojës dhe sjellin elemente të jashtëm që nuk ishin prezente më parë.

Fifa kishte hequr një pushim në pjesën e dytë gjatë përballjes Francë–Irak pasi loja u ndal mbi dy orë për shkak të motit të keq; raporton bbc.