Tuchel tregon sekretin e tij të madh: Për të përgatitur një ndeshje me Argjentinën mjafton… një akullore dhe një biçikletë!

Taktikat dhe skemat në fushë nuk mjaftojnë. Kur një trajner përgatit një ndeshje si ajo mes Anglisë dhe Argjentinës i duhet që të shkojë përtej aspektit futbollistik. Tomas Tuchel, ka habitur të gjithë të pranishmit në konferencën e tij për shtyp, kur shpjegoi se si kishte ndihmuar të tijtë për të ruajtur qetësinë në vigjilje të një ndeshjeje si ajo e Atlanta-s, ku pengesa e fundit drejt finales për “Tre Luanë” është fituesja në fuqi.

Në vigjilje të këtij takimi, i cili ka shumë histori brenda, trajneri gjerman zbuloi mënyrën se si ndihmonte lojtarët që të përgatisnin të qetë një ndeshje të ndezur.

“Sigurisht që kemi të bëjmë me dy skuadra me rivalitet të madh. Na pret një ndeshje me intensitet të lartë, por të them të drejtën nuk e kam përdorur këtë atmosferë për të motivuar lojtarët. Në fakt të dy ekipet e dinë fare mirë rëndësinë e këtij takimi”, komentoi gjermani.

Për të karikuar lojtarët ai pranoi se mjaftonte shumë pak. “Ndonjë herë duhet një vend parkimi bodh, një biçikletë dhe një akullore. Për të gjetur qetësinë e nevojshme për të luajtur një ndeshje si kjo duhet që të përjetosh çaste që kemi përjetur kur ishim të vëgjël”, tha komisari teknik i Anglisë. A.V.