Turqia me strategji të reja në ndihmë të turizmit

Antalia, qyteti i bukur dhe aq i preferuar turistik i Turqisë synon të gjallërojë portofolin e turistëve të saj duke organizuar koncerte gjigande me emra të njohur të muzikës botërore si Madona, Jennifer Lopez dhe Justin Bieber me qëllim që të kompensojë sadopak humbjet nga tërheqja e turistëve ruse së fundmi.

Në raportin e paraqitur Ministrit të Kulturës dhe Turizmit, Mahir Unal, thuhet se humbja që pritet të pësojë sektori i turizmit dhe bujqësisë në Antalya pas fillimit të krizës me Rusinë, të dy nga sektorët që kanë marrë edhe goditjen më të madhe në këtë zonë turistike, llogaritet të arrijë deri në 10-11 miliardë dollarë.

Në këtë mënyrë për të minimizuar humbjet autoritet turke kanë filluar një fushatë të madhe promovimi për panairin ndërkombëtar EXPO 2016, i cili pritet të mbahet sivjet në Antalya dhe tregu i synuar mund të gjallërohet gjithashtu me koncertet që do të japin emra të njohur si Madona, Jennifer Lopez dhe Justin Bieber.