Vazhdon bllokimi i refugjatëve në kufirin Maqedoni-Greqi

Mijëra refugjatë vazhdojnë të jenë të bllokuar në kufirin midis Greqisë dhe Maqedonisë, shumica e të cilëve kanë depërtuar gardhin që në mënyrë jolegale të mbërrijnë në kampin e improvizuar në Gjevgjeli. Shumë refugjatë kanë mbetur të ngujuar në Idomeni, pasi Maqedonia përforëcoi kontrollet, sidomos duke penguar hyrjen e emigrantëve të cilët nuk vijnë nga vendet e përfshira nga lufta. Emigrantët alarmojnë se situata është e rëndë, pasi shumica e tyre nuk kanë ushqime të mjaftueshme, ndërsa nuk kanë as ku të kthehen. “Nëse kthehemi në Greqi , çfarë mund të bëjmë? Nuk kemi para për të blerë , asgjë nuk kemi për të ngrënë, ku duhet të shkojmë ne? Ne nuk mund të kthehemi në Afganistan. Nëse kthehemi atje , neve do të na vrasin”. tha një emigrant nga Afganistani. Përse ata policët vijnë këndej? Përse ata na rrethojnë neve? “, u shpreh një tjetër emigrant nga Afganistani. Mëngjesin e sotëm policia greke nisi kthimin në mënyrë të organizuar, me autobusë të të gjithë personave të cilët llogariten emigrantë ekonomik. Ata janë rikthyer sërish në Athinë.