Vetëplagoset aksidentalisht një person në Prizren, sekuestrohen dy pistoleta

Një person është vetëplagosur aksidentalisht në Caparc të Prizrenit, sipas raportit 24-orësh të Policisë së Kosovës, të transmetuar nga agjencia KosovaPress. I dyshuari ka kërkuar ndihmë mjekësore dhe aktualisht është jashtë rrezikut për jetë.

Siç njofton agjencia KosovaPress, plagosja ka ndodhur aksidentalisht me pistoletën e një të dyshuari tjetër. Në vendin e ngjarjes policia ka sekuestruar dy pistoleta Sig Sauer, dy karikatorë, 27 fishekë, një gëzhojë dhe një predhë fisheku.

Me vendim të prokurorit, rasti do të vazhdojë në procedurë të rregullt, bëhet e ditur në raportin 24-orësh të policisë, të transmetuar nga KosovaPress.