VIDEO/ Lëvizte me pistoletë me vete, momenti kur kapet 32-vjeçari në Kavajë

Një 32-vjeçar është arrestuar nga Policia e Kavajës, pasi u kap duke lëvizur i armatosur me armë zjarri pa leje. Gjatë kontrollit fizik, në çantën e

Një 32-vjeçar është arrestuar nga Policia e Kavajës, pasi u kap duke lëvizur i armatosur me armë zjarri pa leje.

Gjatë kontrollit fizik, në çantën e shtetasit F. Rr, policia gjeti një pistoletë dhe municion luftarak, të cilat u sekuestruan menjëherë si prova materiale.

Ngjarja u finalizua si rezultat i operacionit policor të koduar “Fast” pas informacioneve të siguruara në rrugë operative ndërsa 32-vjeçari u lokalizua dhe u kap duke lëvizur në këmbë në lagjen nr. 2 të Kavajës. Gjatë kontrollit të ushtruar ndaj tij, u konstatua se posedonte një armë zjarri pistoletë me fishekë, pa leje.

Në vijim të veprimeve procedurale, 32-vjeçari u arrestua në flagrancë dhe ndaj tij rëndon vepra penale “Mbajtja pa leje dhe prodhimi i armëve, armëve shpërthyese dhe i municionit”.

Materialet hetimore i janë referuar Prokurorisë pranë Gjykatës së Juridiksionit të Përgjithshëm në Durrës për veprime të mëtejshme ligjore.