VIDEO / Rama ndan historinë e peshkatarit nga Vlora: Një jetë mes dallgëve…

Kreu i qeverisë Edi Rama ka ndarë në rrjetet sociale një video me rrëfimin e një peshkatari nga Vlora, i cili tregon historinë e jetës së tij të lidhur ngushtë me detin dhe profesionin e peshkimit.

Peshkatari rrëfen se është rritur me detin dhe se zanatin e ka mësuar që në fëmijëri nga familja e tij.

Ai tregon se ka kaluar gjithë jetën në det dhe se, përgjatë viteve, ka trajnuar rreth 800 peshkatarë, duke dhënë kontribut në formimin e brezave të rinj të këtij profesioni.

“Me këtë det jemi rritur, me freskinë e këtij deti jetojmë. Është pjesë e qytetit të Vlorës”, thotë peshkatari, duke theksuar lidhjen e veçantë që banorët e Vlorës kanë me detin.

Peshkatari ndalet edhe te sfidat dhe përgjegjësitë e profesionit, duke theksuar se peshkimi kërkon respekt për detin, durim dhe përkushtim, vlera që, sipas tij, e kanë shoqëruar gjatë gjithë jetës.