Vijon protesta në Tiranë në ditën e 116-të, nesër tubim para Kuvendit

Protesta qytetare në Tiranë këtë të mërkurë hyri në ditën e saj të 116-të. Ashtu sikurse e kanë nisur që prej orës 19:30, si fillim në sheshin “Skënderbej” dhe më pas përpara Kryeministrisë aty ku dhe kanë vijuar me fjalimet e tyre, protestuesit kanë nisur marshimin në rrugët e Tiranës.

Kërkesa kryesore e protestuesve mbetet dorëheqja e Kryeministrit Edi Rama dhe e qeverisë aktuale.

Ndërkohë, ditën e nesërme ku do të zhvillohet dhe seanca e radhës plenare, qytetarët kanë njoftuar sërish protestë para Kuvendit.