Vuçiq pas bisedës me Ramën: Ballkani i hapur është shumë i dobishëm për të gjithë ne

“Gjithmonë kemi mbështetur aktivitetet brenda këtij formati shumë të dobishëm rajonal dhe besojmë se do të kontribuojë në bashkëpunimin e mëtejshëm, përmirësimin e procesit të pajtimit dhe tejkalimin e problemeve të së kaluarës”, tha Vuçiq.

Vuçiq theksoi se niveli i shkëmbimit tregtar ndërmjet Serbisë dhe Shqipërisë nga viti 2015 deri në fund të vitit 2022 është rritur ndjeshëm, gjë që përkon edhe me nismën e Ballkanit të Hapur.

“Ajo iniciativë solli përfitime të mëdha për secilin prej nesh dhe besoj, mbi të gjitha për qytetarët tanë. Mendoj se në të ardhmen kjo iniciativë mund të kontribuojë në afrimin e mëtejshëm të njerëzve dhe për një jetë dhe standard më të mirë”, tha Vuçiq dhe vazhdoi:

“Ne folëm edhe për pikëpamjet shpeshherë të ndryshme për situatën në Kosovë dhe Metohi”, theksoi Vuçiq.