Yan Diomande kthehet në çështje, Real-in dhe RB Leipzig i ndajnë “vetëm” 10 mln euro

Edhe pse prej ditësh është mësuar se Real-i i Madridit ka gjetur akordin me RB Leipzig për shërbimet e talentit 19-vjeçar ende asgjë nuk është finalizuar.

Dëshira e Diomande është që të transferohet sa më shpejt në Madrid madje edhe “sëmundja” që e mban larg grumbullimit të klubit të tij aktual thuhet se është në funksion të këtij transferimi. Në këtë tratativë klubi gjerman është më i vendosur se kurrë.

Drejtuesit e RB Leipzig po tregojnë me vepra se nëse do të privohen prej lojtarit të tyre më të mirë do ta bëjnë vetëm nëse në këmbim marrin shifrën e dëshiruar.

Drejtori i RB Leipzig, Marcel Schäfer, dha dje një deklaratë të fortë ku pohoi se të gjithë ata agazetarë, të cilët e konsideronin si të mbyllur këtë transferim po gënjenin pasi klubi gjerman nuk i ka dhënë dritën jeshile asnjë ekipi për të folur me lojtarin nga Bregu i Fildishtë.

Kështu deri më tani Real ka ofruar 110 milionë euro fikse dhe 10 milionë euro në formë bonusesh, por RB Leipzig heq dorë nga Diomande vetëm nëse në këmbim do të përfitojë 130 milionë euro. Për aq kohë sa klubi spanjoll nuk ofron shifrën e kërkuar marrëveshja nuk do të finalizohet me sukses.