Zbardhen debatet mes Ramës dhe kryetarëve të bashkive, Adriatik Zotkaj u largua nga mbledhja

Burime për gazetaren e Euronews Albania, Eksiola Shehu bëjnë me dije se në mbledhjen me dyer të mbyllura kryeministri Edi Rama ka debatuar me kryetarin e bashkisë së Poliçanit, Adriatik Zotkaj.

Burimet bëjnë me dije se pas debatit qe kanë pasur Zotkaj është larguar nga mbledhja që në fillim të saj.

Mbledhja ka nisur me rastin e bashkisë së Policanit ku mësohet se kryeministri Rama i është drejtuar kryebashkiakut të Poliçanit duke i thënë se “ju nuk duhet të jeni në takim sepse bëtë aktin e paturpshëm dhe dogjet teserën e PS”.

Po ashtu burimet bëjnë me dije se Zotkaj i është përgjigjur kryeministrit duke i thënë: “Nëse ka një akt paturpësie është ajo që keni bërë ju dhe PS që shkrini një bashki që ju ka votuar për 25 vjet”.

Mësohet se debate ka patur edhe me 2 kryebashkiakë te tjerë, të Divjakës dhe Dimalit.