Zbardhet kalendari i Champions League, sezoni nis me Real Madrid-Inter! Ndeshjet në grupe nga 8 shtatori deri më 27 janar

Është zbardhur kalendari i fazës së ligës së UEFA Champions League 2026/27, me shortin që ka rezervuar përballje spektakolare mes disa prej skuadrave më të mëdha të Europës.

Faza e ligës do të nisë më 8 shtator 2026 dhe do të përfundojë më 27 janar 2027, ndërsa gjatë këtyre muajve do të zhvillohen 8 javë ndeshjesh.

Që në javën e parë, më 8 shtator, spikat përballja Real Madrid–Inter, ndërsa po atë mbrëmje do të luhet edhe Porto–Manchester City dhe Borussia Dortmund–Villarreal. Një ditë më pas, më 9 shtator, në fushë do të zbresin Barcelona ndaj Feyenoord, Liverpool-Atletico Madrid, Paris Saint-Germain kundër Slovan Bratislavës dhe Napoli–Arsenal.

Kalendari vijon me përballje të forta gjatë gjithë fazës. Në javën e dytë, më 13 tetor, spikasin Inter–Manchester United, Galatasaray–Barcelona, Bayern Munich–Viking dhe Manchester City–PSG, ndërsa më 14 tetor do të luhet Roma–Real Madrid.

Në javën e tretë, më 20 tetor, vëmendjen e merr Manchester City–AEK, Liverpool–Villarreal dhe Porto–PSV Eindhoven, ndërsa më 21 tetor do të zhvillohet Real Madrid–RB Leipzig.

Java e katërt, më 3 dhe 4 nëntor, sjell një tjetër duel të madh, Manchester City–Paris Saint-Germain, ndërsa në program janë edhe Barcelona–Aston Villa, Borussia Dortmund–Real Madrid dhe Liverpool–Fenerbahçe.

Në javën e pestë, më 24 nëntor, do të luhet Arsenal–Borussia Dortmund, Manchester City–Napoli dhe Real Madrid–PSV Eindhoven. Më 25 nëntor spikasin PSG–Roma, Liverpool–Club Brugge dhe Barcelona–Sabah FC.

Edhe dy javët e fundit të fazës së ligës rezervojnë përballje spektakolare. Më 8 dhjetor, Barcelona pret Manchester Cityn, ndërsa Aston Villa–PSG është një tjetër duel i rëndësishëm. Më 9 dhjetor do të luhet Arsenal–Real Madrid, Borussia Dortmund–Inter dhe Liverpool–Porto.

Në javën e shtatë, më 19 dhe 20 janar 2027, spikasin Inter–Liverpool, Aston Villa–Borussia Dortmund, Manchester United–Bayern Munich, Sporting–Barcelona dhe Real Madrid–LASK.

Faza e ligës mbyllet më 27 janar 2027, me një mbrëmje të mbushur me përballje interesante, ku spikasin Barcelona–Como, Bayern Munich–Real Betis, PSG–Galatasaray, Liverpool–RC Lens, Manchester City–Sporting dhe Villarreal–Manchester United.