Zgjedhjet e 30 qershorit, 54 vëzhgues nga Ambasada e SHBA-së, Italisë dhe Britanisë

Komisioni Qendror i Zgjedhjeve në mbledhjen e ditës së sotme vendosi të miratojë kërkesën e disa ambasadave për të vëzhguar zgjedhjet e 30 qershorit.

Kështu, KQZ vendosi të miratojë kërkesën e Ambasadës Britanike për akreditimin e 4 vëzhguesve afatshkurtër dhe 4 përkthyesve, për vëzhgimin e procesit zgjedhor të datës 30 qershor 2019.

KQZ vendosi të miratojë kërkesën e Ambasadës Italiane për akreditimin e 4 vëzhguesve afatshkurtër dhe 3 përkthyesve, për vëzhgimin e procesit zgjedhor të datës 30 qershor 2019.

KQZ vendosi të miratojë kërkesën e Ambasadës Amerikane për akreditimin e 20 vëzhguesve afatshkurtër dhe 19 përkthyesve për vëzhgimin e procesit zgjedhor të datës 30 qershor 2019.

Gjithashtu KQZ vendosi të miratojë edhe kërkesën e disa medieve të huaja për të akredituar disa gazetarë dhe operatorë.

KQZ vendosi të miratojë kërkesën e Radio Televizionit austriak “ORF”, për akreditimin e 4 përfaqësuesve të tij, për zgjedhjet për organet e qeverisjes vendore.

KQZ vendosi të miratojë kërkesën e televizionit Al Jazeera, për akreditimin e 4 gazetarëve dhe operatorëve, për zgjedhjet vendore të datës 30 qershor 2019.

KQZ gjithashtu shqyrtoi pr/vendimin, “për ndryshimin e vendndodhjes së VNV nr.42, Bashkia Kavajë, dhe VNV nr.9 Bashkia Tropojë, për zgjedhjet për organet e qeverisjes vendore të datës 30 qershor 2019”.

KQZ gjithashtu shqyrtoi pr/vendimin, “Për lirimin dhe emërimin e anëtarit të KZAZ-së nr. 15, bashkia Kurbin, për zgjedhjet për organet e qeverisjes vendore, të datës 30 qershor 2019”.